అందాల తెలుగు

ఈ రోజు తెలుగు భాషాదినోత్సవం. ఈ తరం మన తెలుగును మరచిపోతున్న ఈ

సమయంలో ప్రతి ఒక్కరు మన భాషను బ్రతికించేటట్లు చేసుకోవలసిన భాధ్యత

ప్రతి తెలుగువాడు గుర్తుంచుకోవాలి. నందమూరి తారక రామారావు గారు మన

ముఖ్యమంత్రిగా తెలుగు భాషాభి వృద్ధికి ఎనలేని కృషి చేశారు. ఆనాడు మన

తెలుగువాళ్ళే తెలుగు తెగులు అంటూ వేళాకోళం చేశారు. ఆయన బాపు రమణల

చేత తెలుగు వీడియో పాఠాలు తయారు చేయించారు. ప్రస్తుతం అవి ఎక్కడ

వున్నాయో?! వాటిని సిడీలుగా తయారు చేయించి అమ్మకానికి వుంచితే తెలుగు

రాని ఈనాటి యువతరానికీ ఎంతో ఉపయోగకరంగా వుంటుందనటంలో ఏ మాత్రం

సందేహం లేదు.

శ్రీ బాపు తయారు చేసిన అందాల అ ఆలు అనే పుస్తకాన్ని అందంగా మాకు తెలుగు

రాదుగా అనకుండా మాస్కోలోని "రాదుగా ప్రచురుణాలయం , మాస్కో వారు ప్రచు

రించారు. ఇప్పుడు విశాలాంధ్రా వారు ముద్రించి ప్రచురించిన ఈ పుస్తకం దొరుకుతున్నది.

శ్రీ బాపు మన తెలుగు వాళ్ళ తెగులు గురించి ఓ బహు చక్కని చక్కిలిగింతలు పెట్టే

ఓ కార్టూన్ స్వాతి వార పత్రికలో గీశారు.మరో సారి చూసి నవ్వుకోండి.

తెలుగు భాష పండుగ రోజు మనం తెలుగులోనే మాట్లాడతామనీ, మన పిల్లలకు తెలుగు

కూడా నేర్పుదామని , తెలుగులోని మంచి పిల్లల సాహిత్యాన్నివాళ్ళకి పరిచయం చేద్దామని

ప్రతిన బూనుదాం !!