కొంటె బొమ్మల బాపుగారి పుట్టిన రోజు

         1933 డిసెంబరు 15న నర్సాపురంలో సత్తిరాజు లక్ష్మీనారాయణ
అనే అబ్బాయి పుట్టినప్పుడు బాపులా మారిపోయి అందమైన
బొమ్మాయిల సృష్ఠికర్త అవుతాడానీ, తెలుగు భాష రాత, గీత
రెండూ మారిపోతాయని తెలుగుజాతి ఖ్యాతి ఖండాంతరాలలో
వెలిగే సిన్మాలు తయారవుతాయనీ ఊహించి వుండరు. ఈనాడు
బాపుగారి అందాల అక్షరాలు కంప్యూటర్ ఫాంట్లుగా రూపుదిద్దు
కొన్నాయి. రాదుగా ప్రచురుణ సంస్థ (రష్యా) "అందాల అఆలు" అనే
 బాపుగారి తెలుగుఅక్షరాల పుస్తకాన్ని ప్రచురించందంటే తెలుగు
 వాళ్ళంగా మనమెంత అదృష్టవంతులం.

                      బాపుగారి తొలిబొమ్మ బాలన్నయ్య,బాలక్కయ్యల పిల్లల పత్రికలో
తొలిసారిగా1945లో అచ్చయింది. బాపు జంట ముళ్లపూడి వెంకట
రమణగారి తొలి రచనకూడా అప్పుడే "బాల"లో వచ్చింది.

              సాధారణంగా ఓ చిత్రకారుడు కార్టూనిస్ట్ గానో, మంచి తైల, నీటి వర్ణ
చిత్రకారుడిగానో ఏదో ఒక రంగంలోనే ప్రతిభావంతుడవటం చూస్తాం.
కాని, బాపు తన చిన్ననాటి  ఆర్ట్ స్కూల్లో చేరాలన్న కోరిక తీరకపోయినా
  అసమామనచిత్రకారుడిగా పేరుపొందారు. .దేముళ్ళందరూ మేమింత
అందంగా వుంటామని బాపుగారి బొమ్మలద్వారా తెలిపారు.

               శ్రీ ఆరుద్ర బాపు గురించి తన కూనలమ్మ పదాల్లో ఇలా అన్నారు.
             కొంటె బొమ్మల బాపు
             కొన్నితరముల సేపు
             గుండె వుయ్యెల నూపు
             ఓ కూనలమ్మా!
నిజమే శ్రీ బాపు కొన్ని తరాలదాకా అభిమానులను తన చిత్రాలద్వారా
అలరిస్తూనే వుంటారు. శ్రీ బాపు గారికి పుట్టిన రోజు శుభాకాంక్షలు.